Nupi, fale caah na tuar
Har nak duh lo, pawcawm na kawl
Khi rian, kha rian ti loin
Na hmuh chun in, na tuan
Na duhnak khim lo, na nun
Tlin nii um lo, hmuh mi chawva
Fanu, fapa caah, an zuang dih!
Ka lawm tuk, ka pa..
Kan nunnak cu, arti bang
Na domh na kil ven, kuai loin na kilkamh
Na zapei kut chuak, kan khim dih
Kan vawlei hlawh tlinnak caah
Kan thazaang um lo, nang lo cun
Zei tluk thiam in, ttling hmanh ning
Nang na um lo, kan tling lo...
Kan nunnak atling khawh nak ah
Kan cite na si, ka pa
Duhlo ahcun, hawi dang nih lamh chihmi cite
Sihmanh law, kan caah a herh bik!
Kan pa, kan hlawh tlingnak
A chanbau nakah, kan cite na si...
Ka lawm tuk, ka pa
Ka nun riin, tu caan tiang
Khengkhat hrawm in, ka tlamtling
Zingnu tu nih, nun khuasau hlawhtlin nak
In pe hram seh, ti thlacam in
Bawmh kan hal piak, ka pa...
Na nun lam thluan ah
Na fa kei nih, merh nak thluachuah
In ken piak zungzal ning...
by Stanly Ulp
