0

HMUNHLUN ZUUN

Aa then hnga lo bang zeithei loin
Ruun inn khat le sang khat te ah
Nuam chialmaal in kom hawi rual he
Thennak bia hmenh kan phai bal lo...

Zaanlei ni te hung nem cang ti'n
Hngakchia upa thlei dang loin
Ruun tang tual ah bia nuam phai in
Ngol hmenh hngal lo thlavaang chuah tiang...

Atu bel,hmun thar ka phan hmun hlun ka ngai
Hawi thar ka ton hawi hlun ka hlam
Philh khawh loin hawi hlun leen nak
Hmun hlun zuun in nitin ka uai...

Hlaan bang neh hnu khirh in nan leen zawnah
Ka philh hlah uh kei nan hawi hi
Kaa hngilh tintling zaanmang tal ah
Ka sawm ve u philh lo tein...

by Ceu Tha

Unknown

Dingdi web ah na kan leen caah kan I lawm tuk. Na hawile tampi in kan sawm piak ve hna.