Seino kan lungput cu fak si loin van chim ko ning law kan mah nak upa/nupa sin zongah teinak hmu in mithmai tha a hmu khun mi kan si. Seino lungput in kan ti khawh tawk cu a kan hmuh ning siloin kan i hmuh ning tu in kan thancho awk asi. Hlan kan pupa hna tuan bia hna a thar in hun ruah than ah an lungput cu kan ram caah dirh khamh nak cungah a bik in theih khawh an si.Tu chan zongah hin kan caan ah kan chuah kehnak ram cu i hliphlau rih hlah hmanhseh nang, kei lungput in kan hmalei nithar ah hliphlau kho ve ding in kan i zuam chih a herh. A caan cun harnak ti lian chung zongah kan pil caan zong a um ko lai. Hmanhseh, seino kan no lio, kan thluak vir lio te ah na lungput, ka lungput in biahram domh in kan um nak hmun cio in kan i zuam a herh cang.
Hi zatlang kan um nak hmun cio ah hin zuamnak, teirel nak lawng si loin kan um nak cio caah felfai nak he zoh dawh mi miphun siding in miphun dang caah cawn awk tlak nun zong kan ngeih a herh. Seino kan si lio ah hin a bia in siseh, kan nun cawlcangh nak in siseh, kan thiam nak phuntling chuah in a lam kip in kan than cho khawh nak ding ah tuin kan i thok cang a herh. Tu ni Seino, thaizing hruaitu timi phungtluk bia kha kan lungchung ah i cinken in ka hnu lam cu kan hmai lam bantuk in ser cang hna u sih!! Seino mi nang.
By Stanley Ulp
