Ziah,
Laimi kan si ko ah
Lairam ah kan leen ding
A si ko tung...
Ruat hmanh,
Kan ram a si lomi
Vawlei ah caan sau
Kan vaih cang tung...
Zohhmanh,hi ram hi
Kan ram a si tung lo
Hi ram i naa nuamh leen hi
Na na sia a rem ko maw?
Unau, nang le kei cu
Sifaak,harsa fa kan si
Mifim,mirum kan si lo kha
Philh hrim hlah...
Cawmtu kan nu Lairam nih
Hawi bang thiltha in thuamh kan silo
Hnipuan tlek, eidin khim loin
A cawm mi kan rak si kha..
Hawi bang,pardawh tlan in
Hawi nuamh ah aa nuam ding
Kan si lo,hi ram nuam ah hin
A hnangam ding kan si lo...
Hi dirhmun tiang na phaknak ding
Nunphung dawh,thuam dawh le
Caholh dawh in an rak cawmtu
Na ram Lairam a si philh hlah...
by Ceu Tha
