Na liamtaak mi Lairam nih an philh lo
Khukthi rual nih na kong ceih an dai lo
Na pi zong,nang an ngaihnak mitthli a hul lo
Na pi mitthli rak philh hlah mu...
Va phuntling zong khing riangmang in
Semnak Lairam an kilkamh bang
Aa dawh tuk mi na holh Laiholh kha
Rak philh ve hlah mu...
Par phun hna zong nih Lairam an dawt
Sang ah an cawi, a ho ian awk loin
Na fimnak,na thiamnak Lairam caah
Lairam nih a herh ve....
Zingnu nih a dawt Lairam a philh lo
Vapual zong nih a nundawh thlau loin,aven
Na pi,na pu an rak leennak na ram
Lairam te kha rak philh hlah mu...
by Ceu Tha
